దక్షిణాఫ్రికా-నెదర్లాండ్స్ మ్యాచ్ 43 ఓవర్లకు కుదింపు

వరల్డ్ కప్ లీగ్ మ్యాచ్ ల్లో భాగంగా నేడు దక్షిణాఫ్రికా, నెదర్లాండ్స్ మధ్య మ్యాచ్ జరుగుతోంది. ధర్మశాలలో వర్షం కారణంగా మ్యాచ్ దాదాపు రెండు గంటల ఆలస్యంగా ప్రారంభమైంది. మ్యాచ్ ను 43 ఓవర్లకు కుదించారు. టాస్ గెలిచిన దక్షిణాఫ్రికా బౌలింగ్ ఎంచుకుంది. దాంతో బ్యాటింగ్ కు దిగిన నెదర్లాండ్స్ 5 ఓవర్లు ముగిసేసరికి వికెట్ నష్టపోకుండా 21 పరుగులు చేసింది. ఓపెనర్లు మాక్స్ ఓడౌడ్ 17, విక్రమ్ జిత్ సింగ్ 1 పరుగుతో క్రీజులో ఉన్నారు.